O Cercud de Baamonde organiza unha excursión a Cervo

A primeira visita será en Lugo ao Centro de Interpretación Terras do Miño

O Cercud de Baamonde organiza unha excursión a Cervo para o próximo 19 de setembro. Esta dará comezo ás 9.10 horas desde a praza de Baamonde.

A primeira visita será en Lugo ao Centro de Interpretación Terras do Miño da Deputación provincial para seguir viaxe a Cervo para visitar a fábrica de Sargadelos.

Pola tarde está prevista unha sesión no Museo do Mar para ver despois a escultura da Maruxaina na praia do Torno e o Faro de Punta de Atalaia en San Cibrao.

Como só hai 23 prazas recoméndase anotarse cedo. A viaxe inclúe transporte, póliza de seguros, entradas e menú de xantar.