O Circuíto Profesional de Teatro arranca as súas actuacións cunha parada en Parga
TerraChaXa
Trécola Producións porá en escea 'Gaela quere ser druída', este xoves, ás 10.20 horas, no colexio de Santo Estevo, dirixido ao alumnado do centro
7 Oct 2026
A Vicepresidencia da Deputación fomenta a inclusión de teatro profesional dentro das axendas culturais de Bóveda, Sarria, Guitiriz, e Portomarín durante as dúas primeiras semanas de outubro.
En Guitiriz, Trécola Producións porá en escea Gaela quere ser druída, este xoves 8 de outubro, ás 10.20 horas, no colexio de Santo Estevo de Parga, en Guitiriz, dirixido ao alumnado do centro.
Gaela persegue ao druída nun día pouco acertado, el anda atarefado e impaciente na procura dun último condimento, un imprescindible para a súa nova poción.
A nena chama a súa atención ao contarlle o que lle preocupa: Ela quere ser druída!
O mestre, non sen sentir certa vergoña, négase en rotundo: “As nenas non poden ser druídas, iso é cousa de homes”