O Circuíto Profesional de Teatro inicia outubro as súas actuacións cunha parada en Parga

A Vicepresidencia da Deputación fomenta a inclusión de teatro profesional dentro das axendas culturais de Bóveda, Sarria, Guitiriz, e Portomarín durante as dúas primeiras semanas de outubro.
En Guitiriz, Trécola Producións porá en escea Gaela quere ser druída, o xoves 8 de outubro , ás 10.20 horas, no colexio de Santo Estevo de Parga, en Guitiriz, dirixido ao alumnado do centro.
Gaela persegue ao druída nun día pouco acertado, el anda atarefado e impaciente na procura dun último condimento, un imprescindible para a súa nova poción.
A nena chama a súa atención ao contarlle o que lle preocupa: Ela quere ser druída!
O mestre, non sen sentir certa vergoña, négase en rotundo: “As nenas non poden ser druídas, iso é cousa de homes”