O Concello da Pastoriza remata as obras de mantemento no Punto de Atención á Infancia

Os traballos incluíron o cambio de rodapés e a pintura interior de varias estancias

Remataron antes do inicio do curso as obras de mantemento no Punto de Atención á Infancia (PAI) do Concello da Pastoriza.

As actuacións consistiron na substitución dos rodapés en toda a superficie e no pintado interior da entrada principal, a sala de xogos, a habitación de descanso e o comedor. Ademais, engadíronse varios xogos infantís, para que os máis novos desfruten durante esta etapa de aprendizaxe.

O PAI é un servizo social municipal que ofrece atención e apoio a nenos e nenas de entre cero e tres anos, especialmente cando as súas familias ou persoas coidadoras atopan dificultades para atenderlles.

Con estas melloras, o Concello busca garantir unhas instalacións seguras, confortables e adaptadas ás necesidades da infancia.