Deportes

Con este triunfo, o equipo begontés encadea dous ascensos consecutivos, xa que esta mesma tempada chegara á categoría actual tras subir desde Preferente

O Concello de Begonte Fútbol Sala acadou este fin de semana un histórico ascenso á Segunda División B tras superar no play-off ao CD La Folía FS de San Vicente de la Barquera.

O conxunto lucense impúxose no último minuto da prórroga grazas a un dobre penalti transformado con sangue fría, selando así unha vitoria épica nunha pista allea e cunha atmósfera de máxima tensión.

Con este triunfo, o equipo begontés encadea dous ascensos consecutivos, xa que esta mesma tempada chegara á categoría actual tras subir desde Preferente.

O salto á Segunda B consolida o proxecto deportivo do club e supón un recoñecemento ao traballo constante do cadro técnico, xogadores e afección, que xa soñan coa nova etapa na terceira categoría do fútbol sala nacional.