O Concello de Castro de Rei acondiciona a Fonte de Prado

Está situada na parroquia de Santa Locaia

A fonte restaurada

O Concello de Castro de Rei rematou os traballos para mellorar a contorna da Fonte de Prado, situada en Santa Locaia.

A fonte está xunto ao muíño do mesmo nome e sufriu un proceso de rehabilitación que implicou refacer as escaleiras de acceso, sen utilizar ningún tipo de formigón, e limpouse a fonte na súa totalidade.

Para poñer en valor esta antiga infraestrutura colocouse un sinal en madeira, indicativo da situación da mesma.