O Concello de Friol agasallou aos maiores do Centro de Día

TerraChaXa | LugoXa
Os maiores que asisten diariamente ao Centro de Dia que AFALU xestiona no Concello de Friol, recibiron a visita de parte do equipo de Goberno local, que lle fixeron entrega duns detalles.
26 dic 2022

Os maiores que asisten diariamente ao Centro de Dia que AFALU xestiona no Concello de Friol, recibiron a visita de parte do equipo de Goberno local, que lle fixeron entrega duns detalles. O alcalde de Friol quere así agasallar, en estas datas tan sinaladas, a estas persoas maiores que desfrutan de este servizo tan valioso nun pobo como Friol.

Este centro leva funcionando mais de un ano e ten en estes momentos 11 usuarios. Este servizo dispón de 14 prazas públicas, subvencionadas pola Xunta. É un servizo de atención ao Alzheimer.

A Xunta destina 170.000 euros ao ano para a prestación de servizos de atención e transporte neste centro. Así mesmo, tamén colabora con AFALU na posta en marcha dos centros de día que esta asociación ten en Lugo e Ourense, así como noutros programas de prevención e estimulación cognitiva.

O alcalde José Ángel Santos destacou a importancia deste servizo e deste centro que xestiona AFALU, e do apoio da Xunta, e dixo que “este é un servizo moi valioso para a poboación que ten algún tipo de problema relacionado co Alzheimer, ou que ten probabilidade de telo, posto que os profesionais que traballan aquí están especializados en traballar con estas persoas e conseguir que a súa enfermidade avance o mais lentamente posible, e incluso que poidan recuperar certas facultades que viron reducidas”.