O Concello de Muras licita as obras de abastecemento de auga á Balsa
![Captura de pantalla 2020 07 30 a las 9.24.38](https://terrachaxa.com/wp-content/uploads/2020/07/Captura-de-pantalla-2020-07-30-a-las-9.24.38.png)
O Concello de Muras sacará estes días a licitación as obras da traída de auga á Balsa, obras que está previsto comezar a executar xa no mes de agosto. Trátase dunha obra que conta cun orzamento de 380.000 euros con caro ao Fondo de Compensación Ambiental.
Como explicou o alcalde de Muras, Manuel Requeijo, "con esta obra completaríamos o servizo de auga da traída municipal a todas as parroquias, aínda que quedan pequenos puntos que iremos solventando co tempo, pero o servizo quedaría deste xeito plenamente extendido".
A obra contempla a construcción dun depósito de auga así como 17 quilómetros de tubaxe, ademais de todo o demais que leva como arquetas e outras actuacións en diversos puntos.
O obxectivo sería rematar a obra nun parzo de tres meses polo que no mes de outubro podería estar rematada a obra.