Deportes

O evento celebrarase a partir das 10.00 horas e contará coa participación de tres destacados equipos: o HC As Pontes, o Dominicos e o HC Telecable

O Hockey Club As Pontes organizará o próximo 16 de maio de 2026 o I Torneo de Veteranos de As Pontes, unha cita que reunirá na vila a históricos xogadores e afeccionados ao hóckey a patíns nunha xornada marcada polo deporte e a convivencia.

O evento celebrarase a partir das 10.00 horas e contará coa participación de tres destacados equipos do panorama do hóckey: o HC As Pontes, o Dominicos e o HC Telecable, que disputarán diferentes encontros ao longo do día sobre a pista pontesa.

Desde a organización destacan que o torneo nace coa intención de revivir grandes momentos do hóckey a patíns e, ao mesmo tempo, seguir impulsando e dando visibilidade a este deporte en As Pontes. Ademais da competición deportiva, a xornada incluirá unha comida con prezos populares aberta a xogadores, afección e familias, coa finalidade de converter o evento nunha auténtica festa arredor do hóckey.

O club espera reunir a numerosos seguidores deste deporte nunha cita que aspira a consolidarse no calendario deportivo local e galego.