O PAI de Muras abre o prazo de inscrición para o novo curso
TerraChaXa
Este remata o 15 de xullo e ten que facerse no rexistro do Concello nas Oficinas Xerais ou tamén no rexistro electrónico do Concello
11 Jul 2026
Esta semana abriu o prazo para a presentación de solicitudes de praza no Punto de Atención á Infancia (PAI) para o curso 2026-2027.
O PAI de Muras conta cun número de prazas reducido cunha metodoloxía de calidade por proxectos.
O prazo de presentación remata o 15 de xullo e ten que facerse no rexistro do Concello nas Oficinas Xerais en horario de 9.00 a 14.00 horas ou tamén no rexistro electrónico do Concello.
As persoas que desexen información sobre o centro poden pedila no teléfono 615 162 432 (María).