Organizada en Xermade unha charla sobre compostaxe
O Concello de Xermade dentro do convenio que ten con Sogama para introducir de forma progresiva aos veciños na reciclaxe de materia orgánica no fogar realizará o mércores 26 de febreiro, as 19.00 horas, unha charla informativa na biblioteca para informar de como elaborar compost. A charla terá lugar na biblioteca de Xermade.
Ademais, neste curso formativo entregaranse composteiros a todas aquelas persoas que o teñan solicitado.
A través deste convenio, Sogama entregou ao goberno local 25 compostadores, duns 400 litros de capacidade e fabricados con materiais reciclados e reciclables, a igual número de familias que dispoñan de terreo, horto ou xardín, no que aplicar o compost resultante.
O obxectivo é pechar un ciclo de aproveitamento dos residuos orgánicos in situ mediante a súa conversión en abono natural. Sogama tamén proporcionará ao Concello xermadés manuais didácticos de apoio para que sexan entregados aos usuarios, que lles axudarán á hora de aplicar a técnica con maiores garantías de éxito, resolver dúbidas ou emendar posibles erros no proceso de compostaxe.