Organizan senllas festas infantís en Castro de Rei e de Ribeiras de Lea polo Entroido

TerraChaXa | LugoXa
O Concello ten previsto o 18 en Castro Ribeiras de Lea e o 19 en Castro de Rei senllas festas infantís con concurso de disfraces.
festa infanti entroido castro portada
festa infanti entroido castro portada
8 Feb 2023

Aínda pendentes de si este ano o colectivo CuldeCastro organizará a tradicional festa de Entroido para adultos, o Concello ten previsto, como todos os anos, actividades para a rapazada.

Así, os pequenos terán o sábado 18 en Castro Ribeiras de Lea e o domingo 19 en Castro de Rei senllas festas infantís con concurso de disfraces, merenda de entroido, maquillaxe infantil, música, animación e bolsa de larpeiradas.

Estas celebracións, nas que haberá premios para as mellores parellas e grupos, ademais dos disfraces individuais mellor traballados, será de 16.00 a 19.00 horas, no centro sociocultural Xosé Manuel Carballo e na casa da cultura, respectivamente.

Estas festas están abertas á rapazada entre os 0 e os 14 anos.

Para participar nesta actividade gratuíta será necesario entregar a correspondente ficha oficial nas oficinas do Concello antes do 15 de febreiro.

De celebrarse a festa de adultos esta tería lugar o 4 de marzo, pero está aínda sen confirmar a súa celebración, segundo indicaron dende a organización.

festa infanti entroido castro
0.18310403823853