Organizan un curso de gancho todos os venres en Muimenta

A Asociación Cultural Aquilino Iglesia organiza de novo este ano un curso de gancho da man de Pili, de Canto's Artesanía. Esta actividade, que dará comezo o día 9, terá lugar os venres de 16.00 a 18.00 horas na Casa da Cultura de Muimenta.

Para inscribirse hai que acudir á mercería Teresa e a inscrición será por orde de chegada.

O prezo será de 25 euros ao mes para socios e 30 euros para non socios. O primeiro pagamento realizarase coa inscrición na mercería e o resto o primeiro venres de cada mes.