Organizan un torneo feminino de fútbol 7 en Friol o próximo sábado
O campo municipal da Reigosa, en Friol acollerá o venres 6 de xuño un torneo feminino de fútbol 7 organizado polo PM Friol, nunha cita deportiva que reunirá a diferentes equipos e xogadoras nunha xornada dedicada ao deporte feminino.
O campionato contará con premios para o equipo campión e subcampión, ademais de recoñecementos individuais á mellor xogadora e á mellor porteira do torneo. A organización abriu un prazo de inscrición gratuíta para os equipos interesados en participar, que permanecerá aberto ata o 3 de xuño, mentres que o sorteo dos emparellamentos terá lugar o día 4.
Desde o club sinalan que o obxectivo desta iniciativa é fomentar o fútbol feminino e promover a convivencia entre xogadoras e afeccionados nun ambiente deportivo e participativo. As persoas interesadas en obter máis información poden contactar cos teléfonos facilitados pola organización.