Outeiro de Rei convoca o primeiro concurso de decoración de Nadal
O Concello de Outeiro de Rei dentro das actividades de Nadal e co obxectivo de ambientar as rúas e pobos do municipio, convoca o I Concurso de decoración de Nadal de Fachadas e Xardíns de Outeiro de Rei.
A temática a desenvolver na decoración será exclusivamente relativa ás Festas de Nadal e poderán participar no concurso todos os veciños e veciñas censados neste Concello. A decoración deberá estar instalada en en funcionamento antes do 20 de decembro.
A inscrición será gratuíta. Os participantes terán que enviar unha foto actual da decoración da fachada e/ou xardín ao correo electrónico xuventude@concellodeouteiroderei.org . A foto ten que ser actual, orixinal e inédita e non pode conter persoas.
Neste mesmo correo deben incluir o Anexo I cos datos persoais e de localización da vivenda que poden atopar na web do concello www.outeiroderei.gal onde tamén están colgadas as bases do concurso.
O prazo de envío rematará o día 20 de decembro de 2022.
Premiarase a decoración que proporcione un mellor ambiente festivo. Os premios serán tres diplomas e terán a conseguinte remumeración económica. O primeiro serán 150 euros, o segundo 100 e o terceiro 50.
O fallo do xurado farase público na páxina web do Concello, antes do 6 de xaneiro.