Peche temporal do parque infantil da Praza do Concello por renovacións
TerraChaXa
Se as condicións meteorolóxicas son favorables o espazo reabrirá ao público o sábado 1 de febreiro.

31 Jan 2025
O parque infantil situado nunha das marxes da Praza do Concello de Vilalba permanecerá pechado durante aproximadamente dous días debido aos traballos de renovación nos elementos de xogo.
Segundo informou o Concello, as actuacións teñen como obxectivo mellorar as instalacións para garantir a seguridade e o desfrute das nenas e nenos usuarios do parque.
Se as condicións meteorolóxicas son favorables e os traballos discorren segundo o previsto, o espazo reabrirá ao público o sábado 1 de febreiro.
Dende o Concello lémbrase que esta medida é temporal e pídeselles desculpas á veciñanza polas posibles molestias que poida ocasionar.