Pino acollerá o vindeiro venres un curso gratuíto de ciberseguridade da man de Cruz Vermella

O Local Social e Biblioteca de Pino acollerá o vindeiro venres, 27 de novembro, ás 17.00 horas, un curso de ciberseguridade impartido da man de Cruz Vermella. A actividade será gratuíta e está dirixida a todas aquelas persoas interesadas en aprender a utilizar a tecnoloxía de maneira máis segura.
A iniciativa pretende ofrecer ferramentas e coñecementos para desenvolverse con maior seguridade na rede, así como dar a coñecer os principais aspectos que permiten protexerse fronte aos riscos presentes no ámbito dixital.
A actividade está organizada coa colaboración da Asociación Recreativo Cultural de San Martiño de Pino e da Asociación Veciñal O Cruceiro de San Pedro de Seixas.