Pol renderá unha homenaxe en agosto a José Ramón Ónea
![lino jose ramon onega en pol](https://terrachaxa.com/wp-content/uploads/2021/02/lino-jose-ramon-onega-en-pol.jpg)
O alcalde de Pol, Liño Rodríguez, confirmou que o Concello tributará unha homenaxe póstuma a José Ramón Ónega, fillo adoptivo da localidade e recentemente falecido en Madrid a causa da covid.
A homenaxe realizarase, en principio, no mes de agosto, dependendo de como evolucione a situación sanitaria ata esa data.
José Ramón Ónega, de 81 anos e fillo adoptivo de Pol, faleceu o domingo en Madrid vítima da covid, onde era o delegado da Casa de Galicia.
“Nin que dicir ten que José Ramón era unha persoa moi próxima ao Concello, nós tiñámoslle nunha alta estima e practicamente todos os veciños”, subliñou o rexedor. De feito, participou en numerosas iniciativas culturais e deportivas que se levaron a cabo no Concello e era un visitane habitual na vila, en especial nos veráns.
Jopé Ramón Ónega foi gobernador civil de Zamora e de Vizcaya e ocupou altos cargos do Ministerio do Interior.