Prado (en Friol) conmemora as festas do Corpus Christi esta fin de semana
A localidade de Prado, no concello de Friol, celebrará as súas tradicionais festas na honra ao Corpus Christi esta fin de semana do 6 e 7 de xuño. O programa inclúe actos relixiosos e musicais para todos os públicos.
O sábado terá lugar a misa solemne ás 13:30 horas, seguida da procesión e da sesión vermú a cargo da orquestra Galaxia. Pola noite, os asistentes poderán gozar dunha gran verbena coa mesma orquestra e coa actuación do DJ Mun, que animará a xornada festiva.
As celebracións rematarán o domingo cunha nova misa solemne ás 13:30 horas, seguida dunha sesión vermú que contará coa música de Nerea Cobas.
A veciñanza e visitantes están convidados a participar nunha fin de semana de festa e tradición, coa colaboración de diferentes entidades locais.