Presentan a publicación da obra gañadora do 50 Premio de Poesía de Vilalba

Será este sábado, ás 12.00 horas, na Casa da Cultura da localidade

Este sábado, 10 de maio, celebrarase na Casa da Cultura de Vilalba a presentación do libro Meridiano Orixe, obra gañadora do 50 Premio de Poesía do Concello de Vilalba. O acto terá lugar ás 12:00 horas e contará coa participación da autora, Andrea F. Maneiro.

A obra, publicada pola editorial Alvarellos, foi seleccionada como a mellor proposta poética nesta 50 edición do certame, organizado pola Concellaría de Cultura de Vilalba, co obxectivo de fomentar a creación literaria en lingua galega e apoiar novos talentos no eido da poesía.

Desde o Concello de Vilalba convidan a toda a veciñanza a asistir ao acto e a compartir este encontro coa autora e a súa obra, que combina imaxes, palabras e emocións dende unha ollada íntima e contemporánea.