Raquel Queizás estará este sábado na Casa Museo de Manuel María

TerraChaXa | LugoXa

Este sábado, día 13, ás 17 horas, Raquel Queizás leva á Casa-Museo Manuel María Travesías, un espectáculo de narración oral con obxectos e monicreques dirixido para as crianzas, a partir de catro anos, e as súas familias.

10 abr 2024

Este sábado, día 13, ás 17 horas, Raquel Queizás leva á Casa-Museo Manuel María Travesías, un espectáculo de narración oral con obxectos e monicreques dirixido para as crianzas, a partir de catro anos, e as súas familias.

Raquel Queizás proporá ao público asistente unha viaxe de aventuras en que se coñecerán mulleres e nenas bravas que loitaron contra os prexuízos para conseguir os seus soños. Mozas decididas e resoltas que protagonizan uns contos que transmiten valores de igualdade, respecto e convivencia.

Raquel Queizás é actriz, monicrequeira e sobre todo contadora. Con máis de vinte anos no mundo da narración oral o seu repertorio inclúe contos tradicionais, lendas de cada recanto, adaptacións de contos de autor e historias propias. Nos seus espectáculos o público é un elemento fundamental, facendo parte das súas historias.

As persoas interesadas en asistiren, poden reservar (billete 2 euros) en contacto@casamuseomanuelmaria.gal ou a través de whatsapp 698177621