Recollen doazóns de sangue este martes en Xermade

A unidade móbil de doazón de sangue estará este martes, 19 de maio, no Concello de Xermade, para recoller as doazóns dos veciños que así o desexen maiores de 18 anos e con máis de 50 quilos de peso.
O vehículo prestará servizo entre as 10.00 e as 14.00 horas ao lado do Concello.
O servizo lembra que para doar sangue hai que almorzar e despois de xantar esperar dúas horas. Hai que presentar DNI ou documento similar ou no seu caso tarxeta de doante.