Ribadeo realiza obras estes días no paso entre a Avda. de Galicia e a rúa Virxe do Carme, onde se atopaba a vía do tren mineiro

TerraChaXa | AMariñaXa
26 Abr 2019

O Concello está a executar obras no paso que une a Avenida de Galicia coa rúa Virxe do Camiño, a través da antiga vía do tren mineiro. O alcalde ribadense, Fernando Suárez, agarda que os traballos rematen a vindeira semana e que esa vía poida ter un uso peonil axeitado.

O rexedor explicou que “nestes momentos temos cortado o acceso ao Parque dos Indianos porque nese paseo que serve de enlace, que ven desde a Avenida de Galicia e como prolongación da rúa Pintor Fierros, esa antiga vía do tren mineiro de Ribadeo a Vilaoudriz, que non tiña un uso axeitado e que estaba nunha situación bastante deteriorada”.

Suárez Barcia sinalou que “o estamos actualizando e canalizando a través dunha canle lateral para toda a auga e para as pluviais, e estamos cubríndoo cunha capa de enxabre para darlle un uso peonil axeitado para toda esa veciñanza que vive nese entorno”.

O alcalde engadiu que “estes días, que estamos actuando, vai estar cortado ese paso, e contamos abrilo para a semana que ven”.

0.19101214408875