Eventos

Terá lugar a partir das 21.00 horas no Salón de Actos do Mercado Gandeiro

A Asociación de Veciños de Ribeiras do Lea celebrará este sábado, 24 de outubro, o seu tradicional magosto, que terá lugar a partir das 21.00 horas no Salón de Actos do Mercado Gandeiro.

As persoas asistentes poderán degustar un menú composto por empanada, panceta, costelas, viño e castañas. Ademais, a xornada contará cun bingo popular para completar a noite con diversión e entretemento.

Desde a asociación animan a toda a veciñanza a participar nesta celebración, pensada para compartir unha noite de convivencia, boa comida e conversas nun ambiente festivo. Unha oportunidade para reunirse, desfrutar das tradicións propias do outono e pasar un bo momento en boa compañía.