San Xurxo de Rioveso celebrará as súas festas con música e tradición a fin de semana
TerraChaXa
A noite do sábado, a festa continuará coa verbena, na que actuarán as orquestras Escaparate e París de Noia
24 Apr 2026
A parroquia de San Xurxo de Rioveso, no concello de Vilalba, acollerá esta fin de semana unha nova edición das súas festas patronais, cun programa que combina actos relixiosos e propostas musicais para todos os públicos.
A xornada do sábado 25 arrancará ás 13:30 horas cunha misa solemne seguida da tradicional sesión vermú, que estará amenizada pola orquestra Escaparate. Pola noite, a festa continuará coa verbena, na que actuarán as orquestras Escaparate e París de Noia, dúas formacións destacadas do panorama musical galego.
O domingo 26, a programación manterá o mesmo esquema, cunha misa solemne ás 13:30 horas e sesión vermú posterior, nesta ocasión coa actuación da orquestra Super Top.