Seis medallas para os deportistas vilalbeses no Open de taekwondo de Avilés
TerraChaXa
Os deportistas da escola de taekwondo Moo Du Kwan de Vilalba volveron á competición esta fin de semana conseguindo un pleno de medallas.
![open vilalba asturias aviles taekwondo portada](https://terrachaxa.com/wp-content/uploads/2021/11/open-vilalba-asturias-aviles-taekwondo-portada.jpg)
15 Nov 2021
Os deportistas da escola de taekwondo Moo Du Kwan de Vilalba volveron á competición esta fin de semana conseguindo un pleno de medallas. O grupo de seis deportistas participantes na Copa Avilés desta especialidade deportiva a nivel nacional lograron outras tantas medallas.
Así, houbo medalla de prata para o trío infantil composto por Diego Fernández Campos, Nicolás Ares Veiga e Borja Castro Rodríguez. Tamén houbo bronce para a parella tamén de categoría infantil Cristina Insua Cendán e Jesús Seoane Santalla. Este último tamén obtivo o bronce en categoría benxamín individual.
O Open de Avilés 21 de Asturias tivo lugar o 13 de novembro, sábado, para a modalidade Poomsae e a proba é puntuable para o ranking do Mundial 2022.
![taekwondo aviles open vilalba](https://terrachaxa.com/wp-content/uploads/thumbs/2021/11/taekwondo-aviles-open-vilalba-200x266.jpg)