Tres alumnos do Basanta Silva chegan á final dun concurso nacional de economía
O alumnado de 1º de Bacharelato do IES Santiago Basanta Silva de Vilalba demostrou o seu talento emprendedor ao chegar á final nacional do prestixioso concurso de economía Young Business Talents (YBT). Sarai Paz, Aroa Blanco e Aitor Lozano lograron situarse entre os mellores do país tras destacar polo seu esforzo, capacidade de traballo en equipo e habilidades na xestión empresarial.
Ademais, outros compañeiros do centro acadaron as semifinais, deixando en alto o nome do instituto cunha participación excepcional. A súa dedicación e compromiso son un reflexo do gran potencial do alumnado do IES Basanta Silva.
Desde a comunidade educativa, felicítase a todo o equipo polo seu excelente traballo e á súa profesora de economía, Cris Andión, polo seu apoio e guía ao longo do proceso. Este logro é só o comezo de moitos máis éxitos no seu camiño académico e profesional.