Tres días de festa para a Capela do Socorro

O sábado o apartado musical será dobre para Fuego e nocturna para Los Españoles

Cartel das festas

As parroquias vilalbesas de Oleiros, Santalla e San Xurxo celebras as festas da Capela do Socorro, na honra á Virxe do mesmo nome.

As festas terán lugar os días 17, 18 e 19 de maio, comezando o venres, ás 13.00 horas coa misa solemene, á que seguirá a procesión, na que participará Asubíos da Chaira. A continuación terá lugar a sesión vermú con Trébol, que volverá a actuar na verbena xunto a Oca Band.

O sábado o apartado musical será dobre para Fuego e nocturna para Los Españoles. Haberá misa á mesma hora.

O domingo haberá servizo relixioso novamente e a procesión estará a cargo de Charanga 555 mentres que a sesión vermú de fin de festa estará a cargo de JB Son.

A organización lembra que o campo da festa estará cuberto con carpa.