Varios concellos da comarca convocan minutos de silencio polas vítimas do accidente ferroviario de Toledo
Varios concellos da comarca sumáronse ás mostras de dor e solidariedade polas vítimas do accidente ferroviario ocorrido este mércores en Toledo e convocaron minutos de silencio para expresar o seu apoio ás persoas afectadas e ás súas familias. Entre eles están os municipios de Vilalba, Begonte, Pastoriza e Guitiriz, que trasladaron as súas condolencias e chamaron á veciñanza a participar nestes actos de homenaxe.
Todos eles convocaron a cidadanía a gardar un minuto de silencio este mércores, 28 de outubro, ás 20.00 horas, diante das respectivas Casas do Concello. A iniciativa busca lembrar as vítimas do sinistro e amosar o acompañamento ás súas familias e persoas achegadas.
Os gobernos locais tamén expresaron o seu máis sentido pésame polas consecuencias do accidente e agradeceron o traballo dos servizos de emerxencia e de todas as persoas que están a intervir na atención ás vítimas.
Estas convocatorias súmanse á iniciativa impulsada pola Federación Española de Municipios e Provincias (FEMP), á que tamén se adheriu a Federación Galega de Municipios e Provincias (FEGAMP), co obxectivo de promover un xesto colectivo de respecto e solidariedade.
Con estes actos, os concellos queren trasladar unha mensaxe de acompañamento ás vítimas e ás súas familias, así como recoñecer o labor dos profesionais que traballan na atención á emerxencia.