Vilalba acollerá os campionatos de tenis de mesa do Xogade
Vilalba convertirase, nos meses de abril e maio, na capital do tenis de mesa. E é que o municipio acollerá entón a celebración dos campionatos escolares 2019 do Xogade das fases local e provincial na modalidade de tenis de mesa.
As competicións están coorganizadas polo Concello en colaboración co Club TDM Vilalba, pola delegación da Agrupación Deportiva Terra Chá e do Servizo Provincial de Deportes da Xunta de Galicia.
Así, o certame Zona Terra Chá disputarase o 11 de abril, mentres que o Provincial terá lugar o 25 de maio. Os dous campionatos celebraranse no pavillón municipal da localidade chairega, a partir das 11.00 horas.
No encontro zonal participarán unha quincena de equipos de escolares procedentes de Vilalba, Pastoriza, Rábade e Castro de Rei, que competirán divididos nas categorías benjamín, alevín, infantil e cadete.
