Vilalba destina 8.000 euros a campañas de dinamización do comercio local
O Concello de Vilalba e a Asociación de Empresarios de Vilalba asinaron un novo convenio de colaboración por importe de 8.000 euros destinado a impulsar distintas campañas de dinamización do comercio local durante este ano.
A axuda permitirá financiar actividades de promoción e apoio ao comercio asociado, dentro das accións desenvolvidas conxuntamente pola administración municipal e o tecido empresarial da localidade.
A contía supón, segundo o Concello, a maior achega municipal realizada ata agora para apoiar o comercio de Vilalba. O acordo busca reforzar a actividade comercial e favorecer a participación dos establecementos en campañas que contribúan a atraer clientes e dinamizar as rúas e negocios do municipio.
O convenio enmárcase na colaboración que manteñen o Concello e a asociación empresarial para promover iniciativas relacionadas co comercio e a actividade económica local.
A responsable da sección de Comercio da Asociación de Empresarios de Vilalba, María Carballeira, e Bea Souto participaron na presentación do acordo xunto a representantes municipais.
O financiamento destinarase ás diferentes campañas de dinamización previstas ao longo do ano.