Vilalba leva o espectáculo ‘Can de palleiro’ ao parque Rosalía de Castro este xoves
A Biblioteca Municipal de Vilalba sairá este xoves 24 de setembro ao parque Rosalía de Castro para ofrecer o espectáculo Can de palleiro (Outro circo na biblio), unha proposta de Dani Blanco dirixida a públicos de todas as idades.
A actividade comezará ás 18:00 horas e estará centrada no circo, o humor e a diversión, cunha proposta pensada tanto para os máis pequenos como para as persoas adultas.
En caso de choiva, o espectáculo trasladarase á Biblioteca Municipal. Precisamente, a biblioteca permanecerá pechada durante a tarde do xoves para poder acoller a actividade se fose necesario.
A iniciativa forma parte da programación da Biblioteca Municipal de Vilalba e busca achegar a lectura e a cultura a espazos diferentes, cunha tarde de lecer aberta á participación de veciños e visitantes.