Eventos

A celebración contará coa actuación dos Cantareiros do Carabullo

A localidade de Vilapedre, no concello de Vilalba, organizará un magosto e unha foliada o vindeiro venres, 30 de outubro, na Casa da Escola, coincidindo co último venres do mes.

A xornada dará comezo ás 21.00 horas e estará marcada pola tradición, a música e a diversión. Entre as actividades previstas destacan unha castañada tradicional, xogos de mesa e unha degustación de empanada de Mondoñedo.

Ademais, a celebración contará coa actuación dos Cantareiros do Carabullo, que achegarán a súa música e animarán a veciñanza a participar nesta noite festiva.

Con esta proposta, Vilapedre aposta por manter vivas as tradicións populares e ofrecer unha noite de encontro e convivencia para gozar do outono en boa compañía.