Vilarente, en Abadín, celebra esta fin de semana as festas na honra a Santa Margarita
A parroquia de Vilarente, no concello de Abadín, celebrará esta fin de semana as festas na honra a Santa Margarita, cun programa que se desenvolverá desde o venres 18 ata o domingo 20 de setembro e que combinará gastronomía, celebracións relixiosas e música.
Os festexos comezarán o venres 18 cunha churrascada a partir das 21:30 horas, que contará coa actuación de Judith Cundíns.
O sábado 19 terá lugar unha misa ás 13:30 horas, seguida dunha sesión vermú coa actuación da orquestra Los Españoles. Pola noite, a verbena estará amenizada novamente por Los Españoles e polo grupo Greasse.
O domingo 20 celebrarase unha misa ás 14:00 horas. A continuación terá lugar a sesión vermú, coa actuación de Abadtukada e do grupo Fuxsión Latina.
A comisión de festas anima á veciñanza a participar nestas celebracións e agradece a colaboración de todas as persoas que fan posible a organización dos festexos.