Voluntarios recuperan con 150 árboles autóctonos terrenos degradados de Guitiriz

TerraChaXa
Un programa de voluntariado ambiental congregou en terreos do Concello de Guitiriz para realizar labores de reforestación e limpeza.
plantacion arbores guitiriz
plantacion arbores guitiriz
20 mar 2023

O programa de voluntariado ambiental de Afundación, a Obra Social de Abanca, Traballando pola mellora do patrimonio natural congregou en terreos do Concello de Guitiriz durante unha mañá, ás voluntarias e voluntarios para realizar labores de reforestación e limpeza.

O obxectivo destas actividades é non só recuperar as contornas nos que se actúa senón concienciar e facilitar formación tanto aos participantes como á sociedade en xeral sobre prácticas responsables que axuden a manter os recursos sen comprometelos para as xeracións futuras.

A parcela na que se desenvolveu a actividade ambiental, propiedade actualmente do Concello de Guitiriz e inicialmente usada como depósito para plásticos agrícolas, acabou utilizándose como entulleira ilegal por parte de particulares que lanzaban nesta zona distintos tipos de restos e lixo, en lugar de levalos ao momento limpo. Ademais da acción por parte dos equipos municipais, as persoas voluntarias participantes traballaron durante unha parte da mañá na retirada de residuos, fundamentalmente plásticos.

Unha vez recuperada a parcela asignada para a plantación, na actividade plantáronse 150 árbores que contribuirán a mellorar a situación actual deste espazo natural. Para esta acción, organizada en colaboración co Concello de Guitiriz e o Grupo Naturalista Hábitat, seleccionáronse exemplares de especies autóctonas: carballos, bidueiros, castiñeiros, acivros e avellanos.

Con esta iniciativa de voluntariado, enmarcada en estratexia de sustentabilidade de Abanca e Afundación, ambas as entidades queren conseguir un impacto directo en tres dos Obxectivos de Desenvolvemento Sostible (ODS): ODS 13 Acción polo clima, ODS 15 Vida de ecosistemas terrestres e ODS 17 Alianzas para lograr obxectivos.